Transcription
1
Jay retenu le pacquet trois jours depuis quil a esté escript par faulte de porteur,
2
et depuis nest rien advenu, sinon que monseigneur le marechal avoit accordé
3
à ceulx de Pommerol de se retirer dans Florensac ou ailleurs, leurs bagues
4
et armes sauves. Surquoy, estant intervenu quelque difficulté, on fit hier jouer
5
lartillerye qui fit brêche ; et peut estre que ce jourdhuy lassault aura esté
6
donné. Ce pendant, pour n’alterer ce bien tant necessaire de la paix, monseigneur
7
le marechal a encore depesché ung gentilhomme avec le sieur d’Yolet
8
pour aller essayer de rabiller tout. Si leffect en ensuict, ce sont
9
bonnes nouvelles, autrement je crains que nous ne tombions de fièvre en chault
10
mal. Je continueray à vous tenir adverty de tout ce que surviendra.
11
Escript à Montpellier, ce XXVIIe jour de decembre 1573.
12
Truchon